مكتوبة على اسمي الحلقة 46 ملك ابراهيم
انت في الصفحة 4 من 4 صفحات
پغضب وبصت للمحامي وقالت انا ممكن ادرس ايه
المحامي انا جهزت الأوراق بتاعك وشايف انك كنتي جايبه مجموع عالي جدا في الثانوية العامة يعني ممكن تدرسي هندسة.
آيات بغيظ لا انا مش عايزة هندسة.. انا اصلا مش بحب المهندسين!!..
وبصت ل عامر وقالت اصلهم مش بيكون عندهم قلب ومش بيفكروا غير في نفسهم وبس.
عامر كتم ضحكته والمحامي بصلهم باحراج وقال تمام شوفي حابه تدرسي ايه وانا هخلص كل حاجة..
وخرج من المكتب وعامر بيبص ل آيات وبيضحك وقال بقى انتي مش بتحبي المهندسين
ردت ببرود اه مش بحبهم.
عامر قام وقف امممممم.... بس انا اسمع انهم يتحبوا.
آيات بدأت تتوتر وقالت انا كنت فاكره كده بس لما عشت معاهم عرفت انهم قاسين ومفيش عندهم قلب عشان يحبوا او يتحبوا.
عامر قرب منها ومسك أيديها وهو بيبص في عينيها وقال يعني مفيش مهندس واحد قدر يخليكي تحبيه
عامر ابتسم وقال طب مش ممكن تستنيه لحد ما يرجع..
ردت آيات مستعدة استناه عمري كله بس افهم هو ليه بيعمل كده!
آيات من ايه!!
عامر من عنادك.. هو عارف انك عنيدة ومش هتسمعي كلامه والفترة دي اقل غلطة ممكن يخسرك فيها وهو مستعد يضحي ويخسر أي حاجة في الدنيا الا انتي.
عامر ضمھا لحضنه وقال عمرك ما هونتي عليا بس انا خاېف عليكي يا آيات.. انا ليا عدو مجهول ومش عارف هو مين وممكن يعمل ايه.
ردت آيات وبعدت عن حضنه بحزن برضه مفيش مبرر عشان تكون قاسې عليا كده وتبعدني عنك.. ومتفكرش ان انا ممكن اسامحك بسهولة.. انا جوزي لسه مسافر ومرجعش من السفر.. أتفضل كلم السواق عشان يروحني.
آيات بصتله پغضب وخرجت من مكتبه وعامر خرج وراها.
بعد وقت وصل بالعربية قدام الفيلا وآيات نزلت وهي مټعصبه من عامر ومش عايزة تتكلم معاه واول لما دخلت لقت ميرفت في الفيلا وقاعدة على الكرسي بتاعها.
ردت ميرفت شريف لسه زي ماهو وانا تعبت من قعدت المستشفى وقولت ارجع الفيلا اقعد معاكم كام يوم.
ميرفت بصت ل آيات وسألتها انتي كنتي فين
ردت آيات كنت في الشركة عند عامر.
ميرفت وهو عامر فين مرجعش معاكي ليه
ردت آيات هو رجع معايا بس انا دخلت وهو هيروح المستشفى يطمن علي شريف.
ميرفت بتوتر هيروح المستشفى!!!
عامر دخل غرفة شريف واتفاجئ ان خالته مش موجودة.
خرج من الغرفة وسأل الممرضة هي مدام ميرفت مش موجودة جوه ليه
ردت الممرضة مدام ميرفت خرجت من المستشفى مع اختها...بقلمي ملك إبراهيم.
.... يتبع
