رواية سهم الهوى "امرأة الجاسر" (كاملة جميع الفصول) بقلم سعاد محمد سلامة

وهي ترفع يديها تصفقهما ببعض 
خلاص جبرنا إركب اللى بعده 
لم تنتظر وضغط ذر الصعود بينما وقف الشاب پغضب وهو يود سحقها ولكن لم ينتظر صعد للدور الثاني وصل قبل المصعد ضغط على ذر التوقف توقف المصعد وفتح الباب نظرت له قائله 
إنت مش كنت لسه تحت وقولتلك جبرنا إيه الرخامه دي 
لم تنتظر حتى يدلف وضغطت على ذر الصعود إزداد غضبه وتكرر ذلك لاكثر من دور الى ان وصلت الى الدور السادس فتحت المصعد وجدته أمامها نظرت له بنزق قائله 

خلاص انا نازله إطلع إنت بقى براحتك 
نظر له بتمعن وهو يشعر بغيظ ساحق يتمني أن يلقيها من أقرب شباك نظر نحو توجهها علم الى أين دخلت همس بظفر قائلا 
والله ووقعتي تحت إيدي يا غبية 
بالشهر العقاري 
تم إنهاء إجراءات نقل ملكية نص المزرعة كذلك قيمة تلك الاسهم من آسر الى جاسر وتوثقت بالسجلات الرسمية 
بعد الإنتهاء من ذلك تحدثت ميسون بغنج توجه حديثها ل جاسر
مبروك يا مستر جاسر الصراحة المزرعة دي غاليه وإتعرض فيها تمن أعلى من كده بس النصيب 
تهكم بداخله يشعر بإشمئزاز منها قائلا 
طبعا أنا أكتر واحد عارف قيمة المزرعة وزي ما قولتي النصيب 
إبتسمت له قائله
أكيد هتبقي تعزمنا نقضي وقت لطيف فى المزرعة 
اومأ بمجاملة 
أكيد طبعا 
بنفس الوقت وقف آسر جوار ميسون ينظر ل جاسر ومد يده له بالمصافحة قائلا 
مبروك يا جاسر جاسر بيه 
نظر جاسر ليد آسر شعر بالإحتقان وهو يتذكر أن تلك اليد يوما ما وضعت بيد تاج 
تاج أه يا قلبي مازالت تنبض حين تنطق إسمها لكن بمجاملة أيضا صافح آسر وهو ينظر له بسخريه وإستهزاء فيبدوا أنه مسلوب الإرادة وبالتأكيد شخصية كهذه لن تغرم بها تاج 
ظهرا
بغرفة المكتب التنفيذي للشركة 
زفرت تاج نفسها بضجر حين دخل آسر وكما توقعت معه تلك الرقطاء ميسون تتغنج عليه 
نظرت لهما بإشمئزاز قائله 
أظن إنى متصله عليك يا مستر آسر وحددت ميعاد وإنت إتأخرت أكتر من نص ساعة 
أجابتها ميسون بدلا عنه قائله 
آسر مش موظف عندك عشان يلتزم بميعاد 
إستنشقت تاج نفسا مطولا ثم نظرت لها قائله 
أعتقد إن آسر له لسان يرد عن نفسه يقدم تبرير أو إعتذار وعالعموم هدخل فى الموضوع مباشرة عشان الوقت سبق وعرضت عليك أشتري نصيبك فى المزرعه وقدمت مواقفة وأنا جهزت العقود ويادوب عالتوقيع و 
قاطعتها ميسون بشماته 
للآسف فى مشتري تاني عرض مبلغ أكبر من اللى سبق عرضتيه ودي فرصه 
نظرت لها بإستهجان قائله 
قصدك إيه أنا سبق وطلبت خبير متمن وهو اللى قال سعر المزرعة وعالعموم قولت اللى هتطلبه يا آسر 
أخفض آسر وجهه بخزي بينما بضجر تفوهت ميسون 
والله انا قولت دي فرصه وجت لينا وخلاص بيعنا نص المزرعة 
ذهلت تاج وشعرت بالڠضب قائله بنزق 
ويا ترا مين اللى عرض الفرصة الذهبيه دي وإشترى نص المزرعه وهو عارف إن فى شريك هو الأحق 
أجابتها ميسون بتشفي وشماته 
اللى إشتري المزرعة شخص لطيف عارف إن فى شريك وقابل بكده هو حر ده حتى كمان عرض علينا نبقي ضيوف عنده وقت ما نحب 
پغضب ونزق قالت تاج 
ضيوف ويا ترا مين المشتري اللطيف ده 
أجابتها ميسون 
جاسر محمد الهواري 
إعتلت الصدمة وجه تاج وسألت بتأكيد 
مين! 
كان رد آسر متوافقا مع ميسون 
جاسر محمد الهواري 
بمنزل جاسر القريب من المزرعة
جلس خلف مكتبه يقرأ ويتمعن تلك الأوࢪاق التى أمامه سندات ملكيته لنصف مزرعة آل مدين 
ترك النظر لتلك المستندات وإضجع بظهره على المقعد متنهدا يضجع بظهره يضع يده فوق المستندات متفوها بحنين وتعهد لنفسه 
من هنا كانت بداية حكايتنا يا أميرتي
تاج فريد
مدين 
ومن هنا هنرجع بس للآسف
الجاسر إتغير وإنت أسيرتي
 

 

للحكاية بقية يتيع